السبت، 16 مايو، 2015

#عمرك_بصيت_على_صورة

عمرك بصيت على صورك .. وحاولت تعيش نفس الموقف من تاني ..فكرت ساعتها كنت إزاي ..مشاعرك إحساسك فيهم فاكرهم .. صاحبك اللي بيضحك واقف جنبك .. لسه قيمته جواك زي ماهي ساعتها .. ولا نزلت تحت الصفر .. ضحكتك وقت اللقطة كانت بجد .. ولا لزوم الصورة وبس .. عمرك بصيت للصورة بشكل غير تقليدي .. غير إنك تاخد بالك من شكلك .. وتقارن بينها وبين دلوقتي .. جتلك رعشة في روحك .. من صورة مركونة في مجلد .. فكرت في صورة ناسها فاتوك .. إستغربت من ناس دخلو حياتك .. ومشيو من غير مايكونوا في صورة واحدة معاك .. حسيت بمعنى الصورة .. فكر قبل ماتتصور من تاني .. ضحكتك هي اللي بقيالك .. إعدل نفسك وإنت بتتصور وإضحك من قلبك .. ده ممكن ضحكة فاتتك من زمن تطلع تاني من قلبك وتتعاد .. ممكن زلزال جواك يتكرر من لقطة قديمة .. حلاوة الصورة في روحها .. جمال المعنى في الضحكة .. إضحك من قلبك وإتصور .. !

السبت، 27 ديسمبر، 2014

#عزف_الحنين

أوعاك تكون من البشر ..
لو كل الـبشر كدابيـن ..
أوعاك تعيش في واقع ..
كل اللـي فيـه ميتيـن ..
أوعاك تحـــلم بـ حلم ..
كل اللي فيه عايشين ..
أوعاك .!

الجمعة، 14 نوفمبر، 2014

#صداع_مباغت

والحياة أمرها كله صداع
الحب وهم وده كما يشاع
الفكرة واجب أصبحت فريضه
هو إشترى هي باعت هو باع .! ...................................
والحياة أمرها كله مباغت
الحب وهم حقيقته تاهت
الفكرة واجب أصبحت فريضه
هي إشترت هو باع هي باعت .!

الثلاثاء، 22 يوليو، 2014

#حكاية_شجن

- جوه القلب إنحبس شجن ..
- كان طاير في العلن ..
- ضاق الجوف بما أحتواه من حَزَن ..
- قام الشجن سارح ف الملكوت ..
- عرف إنه بحبسه مش هيموت ..
- أصبح الحبس إنفرادي ..
- صرخ الشجن وقام منادي ..
- عليك يارب إنفراجي ..
- يأس الشجن ..
- لمح الزمن ..
- داير عالعباد ..
- يوم عادل ..
- يوم جائر ..

- ثار الشجن ..
-
جوه حبسه وإتسجن .. !

الأربعاء، 12 فبراير، 2014

#ألفـ1000

- انا ألف كلمة في جملة ..
- وألف لحن في حرف ..
- وألف نظرة بطرف ..
- وألف حالة في ظرف ..
- وألف وش في تعبير ..
- وألف غرقان من التفكير ..
- وألف دقة قلب ..
- وألف عقل منها يغير ..
- وألف ألف في معادلة ..
- وألف قضية في مرافعة ..
- وألف حسنة مش شافعه ..
- وألف آه سرها مجهول ..
- وألف حلم مات مسجون ..
- وألف فكرة في سطر ..
- وألف رحلة في قطر ..
- وألف ألف ألف ..

الجمعة، 27 سبتمبر، 2013

#يحكى_أن

- يحكى أن الحكاية نظرة ..
- يحكى أن الحكاية كلمة ..
- يحكى أن الكلمة صعبة ..
- يحكى أن لـلصـعـب لـذة ..
- يحكى أن اللذة لحــــظة ..
- يحكى أن اللحظة عـمر ..
- يحكى أن العمر فانــــي ..

- يحكى أن الحكايـة لعبة ..

- يحكى أن اللعبة غلطـة ..

-
 يحكى أن الحكاية قصة ..
- يحكى أن القصة غريبة ..
- يحكى أن الغرابة بسيطة ..

- يحكى أن الحكايـة ساعة ..
- يحكى أن الحكايـة طـــويلة  ..
- يحكى أن الحكـاية مـش حكاية ..
- يحكى أن عمرنا ما هنفهم الحكاية ..
- يحكى أن الــحـكـايـة خـلـصـت .. .. ..

الاثنين، 2 سبتمبر، 2013

#مش_مهم

- مش مهم ساعات بنقولها بمبالاة والعكس صحيح ..
- مش مهم جملة تستخدم أحيانا لإرضاء الذات ..

- مش مهم جزء لا يتجزأ من إنعدام الثقة بالنفس ..
مش مهم جملة قد لا تحمل الصدق في ثناياها ..
مش مهم بطل من أبطال التزييف ..
-
مش مهم "تذاكر" "تنام" "تعشق" ألخ ..
- مش مهم جزء من لعبة الفشل ..
- مش مهم بدون سبب غالبا ..
- مش مهم .. .. .. !