الجمعة، 27 سبتمبر، 2013

#يحكى_أن

- يحكى أن الحكاية نظرة ..
- يحكى أن الحكاية كلمة ..
- يحكى أن الكلمة صعبة ..
- يحكى أن لـلصـعـب لـذة ..
- يحكى أن اللذة لحــــظة ..
- يحكى أن اللحظة عـمر ..
- يحكى أن العمر فانــــي ..

- يحكى أن الحكايـة لعبة ..

- يحكى أن اللعبة غلطـة ..

-
 يحكى أن الحكاية قصة ..
- يحكى أن القصة غريبة ..
- يحكى أن الغرابة بسيطة ..

- يحكى أن الحكايـة ساعة ..
- يحكى أن الحكايـة طـــويلة  ..
- يحكى أن الحكـاية مـش حكاية ..
- يحكى أن عمرنا ما هنفهم الحكاية ..
- يحكى أن الــحـكـايـة خـلـصـت .. .. ..

الاثنين، 2 سبتمبر، 2013

#مش_مهم

- مش مهم ساعات بنقولها بمبالاة والعكس صحيح ..
- مش مهم جملة تستخدم أحيانا لإرضاء الذات ..

- مش مهم جزء لا يتجزأ من إنعدام الثقة بالنفس ..
مش مهم جملة قد لا تحمل الصدق في ثناياها ..
مش مهم بطل من أبطال التزييف ..
-
مش مهم "تذاكر" "تنام" "تعشق" ألخ ..
- مش مهم جزء من لعبة الفشل ..
- مش مهم بدون سبب غالبا ..
- مش مهم .. .. .. !

الاثنين، 26 أغسطس، 2013

#انا_معجب

- كل حاجة ليها مراحل ..
- التعليم , العمر .. ألخ ..
- الحب ليه مراحل كمان ..
- الإعجاب
مش مرادف للحب ..
- الإعجاب من مراحل الحب ..
- الإعجاب مش حاجه سهلة ..
- الإعجاب من اهم مراحل الحب ..
- الإعجاب سهل يتنسي بعكس الحب ..
- الإعجاب الصح هو اللي بيتطور لحب صح ..
- الإعجاب مش شرط يكون من طرفين بعكس الحب ..
- الإعجاب يعني إنك قررت تعرف كل حاجة عن الطرف التاني ..
- الإعجاب هي الفترة اللي لازم تقرر فيها إنت مناسب للطرف التاني ولا لأ ..
- الإعجاب حاليا بقى مفهوم على إنه حب مع وجود الفرق الشاسع بينهم ..
 - الخلاصة  "الإعجاب أحد مراحل الحب"  Don't mix ..!

الخميس، 4 يوليو، 2013

#أنا_السنجل..

أنـا السـنـــجل ده أحــبـوشــي .. صحــيــح حـــريــــة وراحــة بال 
- بس حـياتــه زى الــســوشــي .. ميـشـــبعــشـــى بـس مــفـيـد 
- تاكـله كـأنـك ولا كـلـــتـــوشـى .. وهـــى حـيــاتـنـا إزاي تـكــمــل 
- مـــن غــــيـــر  حــــبــة شــطـه .. واهو برده محدش ضامن نفسه 
- النــهـارده ســنــجـل بــكــره لأه .. السنــجـــلــة مـــش عـــيــب اه 
- وصـــحــيـيـيــــح مـــفــــــخــــرة .. لا لــيه فــــ لـــعــــب ولا أفـــوره
- بــس لـــو جــــالــــك نـــصيــبك .. بــــــــــــــلااااااش أنــــــعـــــــره 
- وتقـــعــــوا ولا تقـــومـــوشــــى .. وربنا يــتــوب عـليكوا كلكوا :D  ..
- المشاركة من كتابة Jesi Hammed" .. :D"


السبت، 22 يونيو، 2013

#لحظة_من_فضلك

- لحظة من فضلك ..
- كل شئ مقدر ..
- كل شئ مكتوب ..
- كل شئ مش بإيدك إنت ..
- بــس الإنســان دايـما كــده ..
- الإنسان عايز يعرف ليه وإزاي وإشمعنى ..
- وناسي إنه كل شئ بيحصل حســب حـــكمته ..
-ومتجاهل إنه كل شئ بيحصله فيه خيــر مهما كان ..
- ببساطة إحمده على كل شئ هتلاقية جنبك في كل شئ ..
- وقـول يارب . . الـموضـوع بســيط . . فـوق ما تتـخـيـل ..



الخميس، 2 مايو، 2013

#مع_الأيام

- مع الأيام أقدارنا ..
- مع الأيام تتساقط الأقنعة ..
- مع الأيام قد يزداد وقد ينقص "الحب" ..
- مع الأيام قد نعشقها وقد نكرهها "الوحدة" ..
- مع الأيام يتبين لنا كم نحن أذكياء أو العكس ..
- مع الأيام نفكر فيما مضى ..
- مع الأيام نشتاق إلى ماكنا عليه ونحن صغاراً ..
- مع الأيام نرى أنه مجرد لعبة "الحب" ..

- ولكن حتما مع الأيام سنعرف معناه جيداً "الحب" ..
- مع الأيام سنكتشف إننا كنا على خطأ ..
- مع الأيام سنجد إننا كنا على صواب ..
- مع الأيام ستتغير مفاهيمنا عن "الأيام" ..
- مع الأيام .. .. .. !

الأربعاء، 13 فبراير، 2013

#رسالة ..

رسالة غير موجهة لأي شخص من سنجل  :
- الحب مش لعبة ..
- الحب مش رسالة أو رنة  ..
- الحب مش إنتقام من شخص ما ..
- الحب مش مجرد ملئ فراغ ..
- الحب مش مجرد "فلانتين داي" ..
- الحب مش صحوبية ..
- الحب مبني على الإحترام المتبادل ..
- الحب مش مجرد مرحلة ..
- الحب خالي من المصالح ..
- الحب لا يؤدي للكره ..
- الحب يصلح من الإنسان ..
- الحب شئ رائع ..
- الحب بمعناه الحقيقي عملة نادرة ..
تــــــــــــــــــــــــــــمت ..

الثلاثاء، 12 فبراير، 2013

#إقطع_عرق !

- إقطع عرق وسيح دمــه مثل مصري يضرب في إتخاذ القرار المهم في الوقت المهم بسرعة وبدون تردد .. ده على حد علمي ..
- ندخل في الموضوع بسرعة ..
- معجب بواحده ..؟
- خايف او مكسوف تقولها ..؟
- معجبة بواحد ..؟
- خايفة أو مكسوفة تقوليله ..؟
- أحب أقولكم إقطعوا عرق وسيحوا دمه .. !
- ايون معجب بيها قولها .. معجبه بيه قوليله ..
- ليه تشغل بالك بشخص هو مش عارف إنك بتفكر ومعجب بيه ..
- ليه تعذب نفسك وتراقب الشخص ده من بعيد لبعيد ..
- خايف أو خايفه من باب القبول او الرفض من الطرف التاني .. ؟
- كل شئ نصيب وكل شئ مكتوب عادي "لسه اللي جاي أحلى" *تامر حسني* ..!
- ريح بالك وريحي بالك و "إقطع عرق وسيح دمــه" ..
- التاخير في إتخاذ القرار عمره ما هيفدك بحاجة بالعكس هيضرك ..!
- بس خلاص تــــــــــــــــــــــــــــمت ..

الاثنين، 11 فبراير، 2013

#فوائد_السنجلة

فوائد السنجلة تتلخص في عدة نقاط :
- بالك مرتاح (من أهم الفوائد) ..
- فكرك صافي ..
- قاعد مع صحابك طول الوقت من دون مقاطعات ..
- مش حاسس بقلق او توتر او خوف على حد ..
- بتنام بسرعة من غير تفكير ..
- مش حاسس إنك متراقب ..
- مستمتع بحياتك من غير مشاكل او تصنع ..
- حاسس إنه اللي جاي أحسن *تامر حسني* ..
- حاسس بالتحدي ..
- واثق من نفسك ..
- مش خايف من حاجة ..
- الفوائد كتير بس ده بعضا من تلك الفوائد ..
 
تــــــــــــــــــــــــــــمت ..

الأحد، 10 فبراير، 2013

#قصة_الدخول_لعالم _السنجله

جزء من التدوينة السابقة  "البنت اللي فكرت أني أصارحها بحبي ليها غيرت فكرتي تماما عن"الحب" (لأسباب عدة ستذكر في التدوينة القادمة) .."   االحكاية من اولها لأخرها :

-أعجبت بشخصيتها وأسلوبها "إحساس إنها مختلفة ..ألخ"
- وقت ما قررت أصارحها بإعجابي لها ساعدني أحد أصدقائي على ذلك بمحض الصدفة وكان ذلك في مجريات لعبة تسمى بــ"الصراحة " ..
- بعد كده فوجئت بإعجابها ليا في نفس ذات الوقت  ..
- بعد ذلك  "شعور ممتزج بالشكولاته" ..
- حصل بقى كل اللي بيحصل بعد كده أسئله أعتبرها سخيفة من الطرفين لمعرفة ما لم يتم معرفته بعد عن الطرف الآخر ..
- تمر الايام بسرعة كالعادة إلى أن سمعت مالم أحبذ سماعه ..
- بعد ذلك "شعور ممتزج باللاشئ" ..
- إتهام باطل منها  بعدم محاولتي الجادة لإكتشاف شخصيتها ..
- ذهبت مع الريح ..
- عرفت بعد ذلك صفتين لم أكن بعد على علم بهما في شخصيتها..
- أحتفظ بذكرهما لي ..
- بعد تفكير طويل ومرير إكتشفت "إنه أنا اللي كسبان" ! ..
- بالطبع  أتمنى الخير لها ..
 - بعد كده هأنا أحدثكم وانا سنجل ومرتاح البال وسعيد ..
تــــــــــــــــــــــــــــمت ..

السبت، 9 فبراير، 2013

#انا_لــيه_ســـنجل ؟!

أنا سنجل ومازلت سنجل وشكلي كده سأظل سنجل للأسباب التالية :
-أنا فكرتي غريبة حبتين عن الأرتباط أو "الحب" ..
-البنت اللي فكرت أني أصارحها بحبي ليها غيرت فكرتي تماما عن "الحب" (لأسباب عدة ستذكر في التدوينة القادمة) ..
-في بني آدمين بيعتبروا الحب مجرد تسلية ..
-في بني آدمين بيحبوا لمجرد الفراغ العاطفي ..
-في بني آدمين بيحبوا اكتر من شخص كنظام "إستبن" ..
-في بني آدمين بيحبوا لمجرد فكرة الإرتباط ..
-في بني آدمين متسرعين في فكرة الإرتباط و"الفركشة" لمجرد مصلحتهم الشخصية ..
-في بني آدمين بيحبوا لمجرد الإنتقام من طرف تالت ..
-في بني آدمين فكرتهم عن الحب فكرة سطحية ..
-والسبب الأخير يمكن عشان يوم ما فكرت أحب فكرت متأخر ! ..
- تــــــــــــــــــــــــــــمت ..